PASKO NA! ni Benigno Zamora

Malamig na simoy ng mabangong hangin

Na tanging sa pisngi ng langit nanggaling,

Ang inihahatid

Sa bukas na dibdib

Ng sangkalupaang dagi sa hilahil

At sala sa lalong tapat na dalangin. . .

Sa likod ng bundok ay namamanaag

Ang kaakit-akit na isang liwanag;

Ang ibinabadha

Ay malaking tuwa

Na di mag siyang malalasap

Ng lahat ng taong may mabuting hangad.

At ang ating puso ay muling hahagkan

Ng madlang ligayang di mapapantayan—

Ang diwa ng Pasko

Ang pista ng mundo—

Ang araw na siyang sa ati’y nagbigay

Ng buhay sa puspos ng madlang kariktan.

Tungkol sa may akda:

Mga Katanungan:

1. Ano ang nais ipabatid ng tulang "Pasko na " sa iyo?

2. Paano mo mabibigyan ng sariling interpretasyon sa buhay mo and tulang Ito?

3. Akma ba sayo ang tulang Ito? Ipaliwanag.

4. May koneksyon ba ang tulang ito sa pamagat? Ipaliwanag.

5. Ano ang mensaheng nais ipabatid ng huling taludtod ng tulang Ito? Ipaliwanag.